عسى بفستانها اشواك....

ثلاث سنين انا اخطط لهذا اليوم يا ابو سعود

تيسر حالي وجاهز اوفي وعدي بوقته

وفجأه جتني تتعذر تقول تاخرت الوعود

وانا مستغرب واسمع كأني وعدها خنته

حسبت انها تمازحني وتتصنع جفا وصدود

ضحكت بوجهها من قلب مع انها بايخه النكته

وقالت ارضى با الواقع قلبي ماهو المعهود

تغير كل شي صوبك نصيبي ما اظن انته

كنت بيوم محبووبي ولكن ما اظن نعود

وصل من قبل ماتوصل وانا ذاك الصبر عفته

ولكن تكفى صدقني ويشهد ربي المعبود

ترى ماخنتك بغفله ولاكلمته وشفته

صرااحه هلي قالوا لي بانه ولد اصل وجود

وجاتني امه با الصوره وبكلماات المدح اخته

سكت وقلت هي فرصه مادام الجود فالموجود

وقالوا كل من حولي علامات الرضى سكته

وانا فكرت دام امه واخته ماعليهم زود

اكيد اني براضيهم اذا وافقت واخترته

واراضي اهلي واخواني مادام ان الفرح مقصود

عطيت الناس انا كلمه ومعاهم وقتي حددته

ولااقدر اغيرها ترى عند العرب منبوذ

اوافق واعتذر باكر واقول الراي غيرته

تبي تشرح لي المنقود تصدق عاد يا ابو سعود

تبيني اقتنع وارضى بحال عمري ماعشته

انا ماني بقايلها عسى يفرش ثراها ورود

بعد ماحطمت قلبي وطعم الموت جربته

عسى بفستانها اشواك وفي ثوبه عقارب سود

ونار تحرق الكوشه وتحرق بيتهم حتى

عسى قاع الثرا يقسى ويتحول صخر جلمود

وحفار القبر يرفض يسوي فوق مقدرته

ترى دفنة عديم الذات تلوع حتى كبد الدود

ومن خان العهود ومات تعافه حتى مقبرته

عسى ربي يجازيهم بحبل من مسد ممدود

يعلقهم من اطرافه وفوقه نار وتحته

انا ماني حقود وشين ولاني من نسل نمرود

ومن حط نفسه بوضعي بيقول اللي انا قلته

مادام الفعل له ردة فعل والله ابشري بردود

بدعي دامني حي وبغرس للدعاء نبته

وبسقيها نزيف القلب ودمع مارحم الخدود

وتكبر والثمر ثاري من اللي خانني وصنته

انا نذر علي اكتب وافجر هالقصيد رعود

واسمع كل بشر صوتي عجبته ولا زعلته

واردد للي يسمعني اذا حبيت حط حدوود

انا حبيت دون حدود و شوف اللي تكبدته

ثلاث سنين انا ابني وجات صوره بكل برود

وخذت مني شقا عمري وحلم قلت حققته

ثلاث سنين انا اخطط لهذا اليوم يا ابو سعود

وتوافق من كلام اخته وصوره اربعه في سته

مشكوووووووووووره حبيبتي

والله عطيك العافيه ما قصرتي

تقبلي مرووري أختك

أســــــــــــولـــــــــــه

يسلمووووووووووووو تحياااتي لك

ننتظر جديدك

كل الشكر لكم اخواني
منورين الصفحه..