مسجـــــــــــــــــــــــــــــــــات عتاب خطيره

مسجـات عتـاب خطييييرة!!!





ما زعلت الا بعد ماتماديت بخطـاك ..
تحسبيني كل مره اقبل لك عذر
لوتقول اللي المفارق هذا دربه وجاك ..
بس ((انا)) بنصحك ياصاحبي خلك حذر
النظيف لامن عطيته يبين به عطاك ..
والقذر مهما عطيته يبقى لك قـذر
000000


عذري معاي ان قلت روح ما ابيـك
ماعاد لي قلب يهلي بطريـاك
ياللي بحياتي (كنت) مدري شأسميـك
(كنت) الحياة بكبرها كل ما ألقاك
(كنت) المسا لاناموا الناس اسريـك
(كنت) الامل بعيون منهو تمنـاك
واليوم لا والله ما ابيك ما ابيـك
لا ابي اترجاني ولا انا اترجـاك
جمعت باقي ذكرياتك وابرميك
للوقت يمكن مع الوقت انسـاك
0000000


اللي تحبه يارفيقي وتغليـه ..
لو غاب عنك من تحط بمكانـه
لو كل واحد نسى جرح غاليـه ..
ماكان به غالي تذكر زمانه
خله عشان الوقت لابد يربيـه ..
عشان يعرف قيمتك مو عشانـه
الكون واسع لاتجاري خطاويه ..
يلقي بدالك وانت تلقى مكانـه
0000000000


الا بخطي ثم بخطي وبخطي ..
انا بشر ماني عن الذنب معصوم
ماهو صحيح اخذ معك دوم واعطي ..
واليا حصل شي بيننا صارت علوم
واااجد عيوبك لكن استر واغطي ..
اخاف لانخسر بعضنا على يـوم
00000000


ما قلتلك هالوقت قاسي ودوار ..
تشين لو زانت ليالي دهرها
هذا انت غبت وفرقت بيننا الاقدار ..
جت منك والاحلام كلن خسرها
انـت السبب يامرخص كل ماصـار ..
احساسك الميت هو اللي دمرها
0000000


متى ماجتلك على الكيف اتصلـت !!
ومتى ماودك كذا ماتتصل !!
ومتى ماطقت براسك زعلـت !!
حتى لو مابه داعي للزعل !!
واثر يوم انك تتعمد ما سألت !!
اثر لك احباب عن حـبي بـدل !!
00000000


قالت بمشي،،قلت عفوا على وين ؟!
قالت بقفي،،قلت مرواح جـدي
وش صار يعني لابغيتي تقفين ؟!
بموت يعني لانويتي بصدي ؟!؟
(( "انا" قوي الباس ماني بمسكين !!
واموت في شي اسمه "تحدي" ))
((انا)) العزيز ولاهمني لو تجفين !!
بترجع "ذليل" وتحب راسي ويـدي
000000000


ماعاد ينفع لو تعذرت ورجعـت ..
فات الاوان وقل قدرك وشانك
وشلون اسامح وانت في الود قصرت ..
وبعت الرفيق اللي وفالك وصانك
والحين جاي تقول نادم وفكرت ..
خل المحبه وانت خلك مكانك
00000000000


راح الزمان اللي من اول تبينـي ..
يومك على الشده واللين وياي
والحين عقب الظروف اللي فينـي ..
ومن عقب ما حبك بشراييني ودماي
لاحاجتن منك ابيها تجينـي ..
ولا شي شينـ(ن) بذكره عقب مسـراي
000000000


منك نتعلم لعبت الصد ونصد ..
مادام قلبك والليالي علينـا
منك نتعلم كيف مانحفظ الـود ..
(( وتشوف منا ماتسويه فينا ))
والحين لازم تاخذ المسأله جـد ..
علمتنا نقسى وشفنا قسينـا
00000000


ابشرك ماعاد يوجعني فـراق ..
واقسى وجع فيني يزول بثوانـي
عودت قلبي اذا حمل هم او ضـاق ..
ارمي وما اسأل عن اللي رماني
عودت نفسي للمتاهات ما انسـاق ..
ولا اسيل دمع عيني و اعاني
خل الحياة تروح للعمـر وارزاق ..
يمكن مع الايام يضحك زماني
000000000


لاعاد تسأل عن مصيري وتشتاق ..
فكر بنفسك لايهمك ضياعـي
يمكن نعاتب بعضنا يوم الفـراق ..
لكن عتاب ما وراه انتفاعي
مايستمر حب الرسايل والاوراق ..
صعب يجي بعد الفراق اجتماعـي
000000000


كان الشعور اللي بقلبي شعورك ..
وضح وعطني لي دليل وبرهان
احترت في بعدك ووجودك ..
ودي اعرف الشوق لا صرت ولهـان
ماني بندمان ليا قلت ناسيـك ..
ولا قد ندمت الا على حاجه وحيـده
اندم على قصايد لاقلتها فيك ..
وانت فلا تسوى في قصيده
0000000


لاعاد ترجاني ولاني براجيـك ..
والكل منا جعل دربه سلامـه
لاعاد اسولف بك ولاجيب طاريك ..
وانشهد ان بعض المعرفه ندامه
قلبي من اول يودك ويغليـك ..
وعن خلق الله ترفعت هامـه
واليوم عذال الهوى شرعوا فيـك ..
حطوا على عينك سواد الغمامـه
لا تحسبي في قصيدي انا اجيك ..
عن حبنا اللي راح واقفى غرامه
حبك تحطم وانتهى بين اياديـك ..
قصر الغرام اللي بنيته هدامـه
0000000


إهي مره وكم مره عليه تكثر الغلطات ..
اطوف زلتك دايم ومن شانك امشيهـا
اكرر رقمك الجوال لاهي مره ولامرات ..
يجاوبني على المغلق او الخارج مغطيها
تجيني مجمع اعذارك اصدقها وهي كذبات ..
وأصبر نفسي بنفسـي اكحلها وتعميهـا
000000000

مما اعجبني وحبيت نقله لكم؟؟


ان شاء الله تعجبكم..

الا بخطي ثم بخطي وبخطي ..
انا بشر ماني عن الذنب معصوم
ماهو صحيح اخذ معك دوم واعطي ..
واليا حصل شي بيننا صارت علوم
واااجد عيوبك لكن استر واغطي ..
اخاف لانخسر بعضنا على يـوم
00000000


يعطيك الف الف عافيه على الخوووووووووووووواطر الي بقمة الروعه اهنيك حبيبتي على اختيارك

تقبلي مروري

لاعاد تسأل عن مصيري وتشتاق ..
فكر بنفسك لايهمك ضياعـي
يمكن نعاتب بعضنا يوم الفـراق ..
لكن عتاب ما وراه انتفاعي
مايستمر حب الرسايل والاوراق ..
صعب يجي بعد الفراق اجتماعـي
000000000

تحياتي لك